Barne- og ungdomsarbeidar / assistent ved Giske barnehage - vikariat

Giske barnehage har ledig vikariat i 53,33 % stilling som barne- og ungdomsarbeidar / assistent frå snarast og ut barnehageåret 2026/27. 

Barnehagen har fire avdelingar med 65 barn. Barnehagen ligg midt på øya Giske med si unike historie, rike kulturliv og flotte natur.
Vår visjon er «Saman i tryggleik og undring», og våre satsingsområde er livsmeistring, inkludering og språk. Satsingsområdet i oppvekst i Giske kommune er inkluderande praksis, som handlar om å tilpasse læringsmiljøet til mangfaldet hos barn og elevar, og å gi alle ei reell moglegheit til å vere deltakar i det faglege og sosiale fellesskapet. 

I Giske barnehage ønsker vi at barna si læring skal vere heilskapleg og meiningsskapande. Arbeidsmåten vår er i stor grad prosjektbasert. Det vil blant anna seie at læring alltid skal henge saman med leik, omsorg og danning, og læringa bør ha ein relevans i forhold til den verda barna tilhøyrer og dei krav livet stiller dei ovanfor. Målet er å finne balansen mellom eit pedagogisk innhald som tek utgangspunkt i barnet som skapande og lærande subjekt, og den verkelegheita barnet tilhøyrar med dei fysiske, sosiale og kulturelle rammene det lever innanfor.
 
Vi arbeider pedagogisk og systematisk med planlegging-, dokumentasjon- og vurderingsarbeid, og vi arbeider kvar dag for å sikre god kvalitet gjennom godt utarbeidde prosedyre og planar. 

I tillegg til formell utdanning og praksis vert det lagt stor vekt på personlege eigenskapar og at ein er skikka for stillinga.

Det er krav om politiattest av ny dato.

Dokumentasjon på utdanning og praksis skal sendast i lag med søknaden.

Kvalifikasjonar

• Det er ønskjeleg med fagbrev som barne- og ungdomsarbeidar, men andre med anna relevant utdanning og/eller praksis vil også bli vurderte til stillinga.
• Det er ønskjeleg med erfaring frå liknade arbeid.
• Må kunne bygge gode, trygge relasjonar og kunne stå i det òg når ein vert utfordra.
• Gode norskkunnskapar både munnleg og skriftleg.
• God digital kompetanse.

Personlege eigenskapar

• Evne til å skape gode relasjonar og tillit.
• Evne til å møte barnet der det er.
• Vilje og evne til fleksibilitet, løysingsvilje og til å ha barn sitt beste i fokus.
• Gode samarbeidsevner med barn og vaksne.

Vi tilbyr

• Utfordrande, varierte og sjølvstendige oppgåver i eit godt fag- og arbeidsmiljø.
• Fokus på tverrfagleg samarbeid.
• Giske kommune har fokus på modernisering og omstilling gjennom bruk av ny teknologi og digitalisering innan alle tenesteområde.
• Løn og tilsetjing på vanlege kommunale vilkår.

Kontaktinformasjon

Elias Martinus Valderhaug, einingsleiar, +47 91313027

Arbeidsstad

Bedehusvegen 5
6052 GISKE

Nøkkelinformasjon:

Arbeidsgivar: Giske kommune

Referansenr.: 5179161185
Stillingsprosent: 53,33%
Vikar
Søknadsfrist: 27.09.2026