Straume arbeids- og opplæringssenter (SAAS) og Straumehagen omsorgsbase

Vil du vera med og utvikla gode tenester for menneske med nedsett funksjonsevne?

Vi søkjer ein engasjert, tydeleg og utviklingsorientert avdelingsleiar til Straume arbeids- og opplæringssenter (SAAS) og Straumehagen omsorgsbase. Dette er ei spennande leiarstilling for deg som ønskjer å gjera ein forskjell kvar dag og bidra til å vidareutvikla viktige tenester for innbyggjarane våre.

Kven er vi?

Eininga tenester til menneske med nedsett funksjonsevne (MMNF) har ansvar for 10 bufellesskap og omsorgsbustader med base, samt tre arbeids- og aktivitetssenter.

Vi gir omsorg, oppfølging og tilrettelegging til menneske med nedsett funksjonsevne. Målet vårt er å skapa ein aktiv, trygg og meiningsfull kvardag for kvar enkelt. Arbeidet byggjer på respekt, sjølvråderett, tillit og meistring.

Om arbeidsplassen

Straume arbeids- og opplæringssenter (SAAS) og Straumehagen omsorgsbase søkjer no ny avdelingsleiar.

SAAS har om lag åtte årsverk, i tillegg til følgjepersonell frå bufellesskapa i kommunen. Straumehagen omsorgsbase har òg om lag åtte årsverk. Avdelingane har tilsette med variert fagbakgrunn, mellom anna sjukepleiarar, vernepleiarar, miljøterapeutar og helsefagarbeidarar.

Ved SAAS arbeider delar av personalgruppa i bustad på helg, og nokre har langvaktsturnus. Straumehagen omsorgsbase nyttar både ordinære turnusar og alternative turnusordningar med langvakter.

Arbeidsplassen ligg sentralt på Straume, med kort veg til kollektivtransport og kommunedelssenteret.

Som avdelingsleiar blir du ein del av leiargruppa til einingsleiaren. Du får ansvar for fag, personal og økonomi ved begge avdelingane. Du vil få støtte frå fagressursar innan økonomi, HR og lønn.

Stillinga har ei arbeidstid på 37,5 timar per veke, inkludert betalt lunsj, og har fleksitidsordning.

Kven er du?

Vi ser etter deg som:

• brenn for å sikra gode tenester til menneske med utviklingshemming
• ser moglegheiter der andre ser utfordringar
• inspirerer, motiverer og engasjerer medarbeidarane rundt deg
• arbeider strukturert og målretta
• er handlekraftig og har god fagleg vurderingsevne
• veit at god leiing handlar om å vera tett på både menneske og prosessar

Arbeidsoppgåver

• Ha overordna ansvar for den daglege drifta, inkludert fag- og personalansvar.
• Følgja opp krav i kapittel 9 i helse- og omsorgstenestelova.
• Leia, rettleia og følgja opp medarbeidarane.
• Setja i verk og følgja opp faglege tiltak og vedtak.
• Leia, utvikla og kvalitetssikra det faglege arbeidet.
• Leggja til rette for godt samarbeid med tilsette, brukarar, pårørande og samarbeidspartnarar.
• Ha ansvar for HMS, avvikshandtering og internkontroll.
• Driva kontinuerleg forbetringsarbeid.
• Ha ansvar for turnusplanlegging.
• Ha ansvar for økonomi og budsjett.
• Ha ansvar for legemiddelhandtering.
• Delta i rekruttering og kulturbygging.
• Utføra andre oppgåver etter delegering frå einingsleiaren.

Kvalifikasjonar

Vi ønskjer at du har:

• relevant utdanning på høgskule- eller universitetsnivå, gjerne innan helse- eller sosialfag
• vidareutdanning innan leiing og administrasjon, eller ønske om å ta slik utdanning
• erfaring frå leiing i tilsvarande tenester
• evne til å motivera, utvikla og støtta medarbeidarar
• erfaring med omstilling og endringsarbeid
• god kjennskap til turnusarbeid og turnusplanlegging
• forståing for økonomistyring og budsjettarbeid
• kunnskap om relevant lovverk, mellom anna arbeidsmiljølova, hovudtariffavtalen, helse- og omsorgstenestelova kapittel 9 og pasient- og brukarrettslova kapittel 4
• evne til å tenkja strategisk og handtera komplekse problemstillingar
• gode samarbeids- og kommunikasjonsevner
• gode digitale ferdigheiter
• gode norskkunnskapar, både munnleg og skriftleg

Vi legg stor vekt på personleg eignaheit.

Personlege eigenskapar

For å lukkast i stillinga meiner vi at du:

• tek initiativ og får ting til å skje
• har høg arbeidskapasitet og tek ansvar for resultat
• er god til å utvikla og motivera andre gjennom tydeleg leiing
• fremjar fagleg og personleg utvikling
• handterer uventa situasjonar på ein roleg og fleksibel måte
• kommuniserer tydeleg og gir konstruktive tilbakemeldingar
• arbeider systematisk og prioriterer godt
• bidreg til eit godt og stabilt arbeidsmiljø
• har god gjennomføringsevne
• byggjer gode relasjonar og samarbeider godt med andre
• er løysingsorientert og handlekraftig

Vi tilbyr:

• Gode pensjons- og forsikringsordningar
• Ein spennande arbeidsplass med godt arbeidsmiljø
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån 

Kontaktinformasjon

Kristin Straume
einingsleiar MMNF
Tlf. 997 99 526

Elin Kleppe Alfstad
assisterande einingsleiar MMNF
Tlf. 477 97 112

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.