Innovasjonspilotar (20 % stilling) ved Universitetet i Bergen

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Om stillinga:

Vil du bidra til meir innovasjon blant studentane ved UiB?
Forskings- og innovasjonsavdelinga lyser ut to faste deltidsstillingar (20 %) som innovasjonspilot. Vi ser etter ein engasjert student som brenn for innovasjon og entreprenørskap, og som ønskjer å inspirere andre studentar til å utforske eigne idear og prosjekt.

Som innovasjonspilot skal du bidra til at fleire studentar får utforske eigne idear, byggje innovasjonskompetanse og bli kjende med moglegheitene som finst for innovasjon og entreprenørskap ved UiB. Du blir ein viktig bidragsytar i arbeidet med å styrkje innovasjonskulturen.

Arbeidsoppgåver:

Hovudoppgåver:

• Planleggje og gjennomføre aktivitetar som fremjar innovasjon og entreprenørskap blant studentar, til dømes workshops, idémyldringar og pitchekveldar
• Skape engasjement gjennom sosiale medium og vere synleg til stades på campus
• Vere ein lågterskel kontaktperson for studentar som ønskjer å utforske eigne idear, og hjelpe dei vidare til relevante ressursar, støtteordningar og fagmiljø
• Samarbeide med studentorganisasjonar og aktørar i innovasjonsmiljøet, som VIS og GründerCampus
• Delta i drifta av GründerCampus, til dømes gjennom praktisk tilrettelegging av aktivitetar og enklare vaktordningar

Sesongbaserte oppgåver:

I periodar med søknadsfristar og større arrangement kan innovasjonspilotane også:

• Bidra til informasjon og rettleiing knytt til støtteordningar som UiB Idé, STUD-ENT og liknande program
• Bidra til arrangement, kampanjar og aktivitetar knytte til innovasjon og entreprenørskap

Stillinga er på 20 % og lar seg godt kombinere med studium. Arbeidsmengda varierer gjennom året. I periodar med arrangement, søknadsfristar og større aktivitetar kan arbeidsinnsatsen vere høgare enn gjennomsnittleg, medan det i andre periodar vil vere mindre aktivitet. Arbeidstida blir planlagd i dialog med innovasjonspilotane og tilpassa studiesituasjonen så langt det er mogleg.

Kvalifikasjonar og eigenskapar:

• Stillinga lar seg kombinere med studiar og vi oppmuntrar studentar til å søkje
• Erfaring frå studentorganisasjonar eller anna frivillig arbeid
• Du har interesse for innovasjon, entreprenørskap og prosjektarbeid – du treng ikkje vere gründer, men du må vere nysgjerrig og motivert for å lære
• Du er ein meister i å få med deg andre - både på sosiale medium og på campus
• Er god til å kommunisere og engasjere både på norsk og engelsk
• Du er initiativrik og handlekraftig
• Du tenkjer kreativt og innovativt
• Du arbeider godt både sjølvstendig og i team
• Du har god organisasjonsevne og ein strukturert tilnærming til arbeidsoppgåver

Vi tilbyr:

• Opplæring og støtte frå erfarne innovasjonsrådgivarar
• Ein lærerik og fleksibel deltidsjobb som gir deg verdifull erfaring og tilgang til sterke faglege nettverk
• Høve til å arbeide tett med studentar, innovatørar, forskarar og andre aktørar i innovasjonsøkosystemet
• Fleksibel arbeidstid som lett kan kombinerast med studiar
• Løn som konsulent (kode 1065) i årslønn kr 481 000 - 506 000 tilsvarande 100 % stilling avhengig av erfaring og kvalifikasjonar. For særs kvalifiserte søkjarar kan høgare løn vurderast
• Medlemskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein får ved å vende seg til:  Dag Hellesund tlf. 91 55 42 99 eller Katrine Utaaker Segadal tlf. 97 08 62 36.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.