Hopp til innhold
Logg inn

Tilbake til søket

Vikariat som avdelingsleiar i heimesjukepleien

  • Suldal kommune Suldal heimeteneste
  • Bjødnateigvegen 21, 4230 Sand
Søknadsfrist
24. sep. 2026
Ansettelsesform
Vikariat
Omfang
Heltid
Sektor
Offentlig
Fagfelt
Helse og sosial / Leder innenfor helsetjenester

Krav til stillingen

Du kan søke selv om du ikke oppfyller alt.

  • Norsk, muntlig og skriftlig

Om jobben

Heimetenestene i Suldal kommune søkjer vikar som avdelingsleiar for heimesjukepleien i 100 % stilling, i perioden frå snarast og fram til 31.08.2027. Unde heimesjukepleien ligg også praktisk bistand og dagsenterdrift. Avdelingsleiar har personal- og fagleg ansvar for tilsette i avdelinga, og er ein sentral del av leiargruppa i eininga. Interne vert oppmoda til å søkje, og kvalifikasjonsprisippet vert fulgt.
 
Om oss
Suldal heimetenester er den største kommunale eininga i Suldal og er delt i to hovudavdelingar - Heimesjukepleien (inkl Praktisk bistand og Dagsenterdrift) og Psykisk helse (inkl  ROP-teneste, tildelingskontor, Demenskoordinator, ergoterapeut, Barne-og familieteam og Barnekoordinator). Me er om lag 80 tilsette fordelt på omlag 55 årsverk. Me yt tenester til innbyggjarar i alder 0 - 100 år +, heile døgnet, og har tenestemottakarar i heile kommunen. Me er engasjerte og framtidsretta, og jobbar etter arbeidsmetodar som fokuserer på «Gode pasientforløp».

 

Arbeidsoppgåver

•     Personalansvar for dei tilsette i avdelinga.

•     Dagleg drift i avdelinga.

•     Oppfølging av sjukemelde

•     HMS-oppfølging/ansvarleg i avdelinga; ansvar for arbeidsmiljø og arbeidsforhold

•     Medarbeidarsamtalar i avdelinga.

•     Ansvar for at det skjer fagleg utvikling i avdelinga, herunder å planlegge og kalle inn til internundervisning, halde oversikt over kompetansebehov, og samarbeide tverrfagleg ved behov, både internt og eksternt.

•     Opplæring av nytilsette – avklare opplæringstider og bruke «opplæringshefte for nytilsette».

•     Turnusarbeid

•     Følgje opp satsingsområda for heimetenesta, jf. Gode pasientforløp, kvardagsrehabilitering, velferdsteknologi og andre tiltak som bidrar til auka sjølvstende i eigen heim.

•  Ta medansvar for organisering innflytting  og drift av Vinjarheim bukollektiv

 

Kvalifikasjonar

•     Autorisasjon som sjukepleiar, eventuelt annan relevant helse- og sosialfagleg høgskuleutdanning.

•     Relevant erfaring frå heimetenesta eller annan kommunal helse- og omsorgstjeneste.

•     Erfaring med leiing, koordinering eller fagansvar er ein fordel.

•     Kjennskap til turnusplanlegging og arbeidstidsbestemmelser.

•     God digital kompetanse, gjerne erfaring med elektronisk journalsystem.

•     Gode norskkunnskapar, muntleg og skriftleg.

•     Politiattest må leggast fram før tilsetjing, jf. krav i helse- og omsorgstenestelovgivinga.

 

Vi søkjer deg som

•     Er tydeleg og trygg i leiarrolla, og god på å byggje relasjonar.

•     Har gode samarbeids- og kommunikasjonsevner.

•     Er strukturert, løysingsorientert og handlekraftig.

•     Kan arbeide sjølvstendig og ta initiativ i ein hektisk arbeidsdag.

•     Har interesse og engasjement for fagleg utvikling og kvalitetsarbeid.

 

Vi tilbyr

•     Spennande og utviklande leiaroppgåver i eit godt fagmiljø.

•     Løn etter avtale / gjeldande tariffavtale.

•     Gode pensjons- og forsikringsordningar.

•     Ein arbeidsplass med fokus på tverrfagleg samarbeid og fagleg utvikling.

•     Ein del av ei engasjert leiargruppe i eininga.

 

Slik søkjer du:

  • Me ber om at du søkjer elektronisk. Sjå her korleis du går fram for å søkje. 
  • Vedlegg: CV, relevante vitnemål og attestar må leggjast ved søknaden. Vitnemål og attestar må lastast opp som vedlegg, og vil bli brukt ved eventuelt intervju.
  • Treng du hjelp, kan kontakte kommune på tlf 52 79 22 00.

Link til søknadsskjema: Søk her

Rapporter annonsen

Om arbeidsgiveren

Psykisk helse: Psykisk helse er organisert under Suldal Heimetenester i lag med heimesjukepleie og tildelingskontoret. Psykisk helseteneste gir tilbod til barn, unge og vaksne med psykiske vanskar og livskriser, og til deira pårørande. Tilbodet blir gitt som heimebesøk eller i lokala våre på Bjødnateigen. I psykisk helse jobbar me individuelt, i nettverk og i ulike aktivitetstilbod. Barne- og familieteamet gir tilbod til barn, unge og familiar. Brukarstemma er viktig for oss, og skal stå sentralt i utforminga av tilbodet me gir. Tildelingskontoret: Tildelingskontoret for tildeling av helse og omsorgstenester i Suldal kommune ligg organisert under Suldal Heimetenester. Tildelingskontoret fungerer som ei «dør inn» til helse- og omsorgstenesta, med mål om å gi god handsaming og kvalitet til alle som tek kontakt med kommunen for å søkje om helsetenester. Tilsette på tildelingskontorett har god kjennskap til tenestene kommunen tilbyr og er serviceinnstilt. Tenestene blir tildelt etter ei individuell vurdering med fokus på brukarmedverknad, dialog og samhandling. Suldal Heimetenester: Heimesjukepleien tilbyr heimebaserte tenester i alle grendene i Suldal kommune, og er organisert i lag med psykisk helse og tildelingskontoret. Me tilbyr helsehjelp i heimen, praktisk bistand, middagsombringing og ulike dagaktivitetstilbod. Suldal Heimetenester tilbyr og kvardagsrehabilitering, førebyggjande heimebesøk og velferdsteknologiske løysingar. Dei tilsette i heimesjukepleien arbeidar sjølvstendig, er fleksible og løysingsorienterte. Me har fokus på å yte tenester av god fagleg kvalitet, der spørsmålet «kva er viktig for deg?» står sentralt i møte med brukarane våre.

Spørsmål om stillingen

Organisasjonsnummer:
991320415
Publisert:
10. sep. 2026
Kilde:
arbeidsplassen.no

Lignende stillinger