Ledig stilling som avdelingsleiar VAR og veg, 2. gongs utlysing

Tenesteområdet samfunnsutvikling og drift har 45 tilsette og ansvar for sentrale, lovpålagde og samfunnskritiske oppgåver. Kommunen står framfor utvikling og gjennomføring av viktige tiltak i åra som kjem.

Seljord kommune søkjer ein tydeleg og utviklingsorientert avdelingsleiar for vatn, avløp, renovasjon og veg. Som avdelingsleiar har du ansvar for drift og vedlikehald av kommunen sine vatn- og avløpsløysingar, samt planlegging og gjennomføring av små og større utbyggingsprosjekt, også innan veg. Seljord kommune er del av eit interkommunalt samarbeid om renovasjon gjennom Renovest. Stillinga inneber personal- og budsjettansvar, og ansvar for saksførebuing til politisk nivå. Du skal samarbeide tett med interne fagmiljø og eksterne samarbeidspartar. Avdelinga har i dag fire driftsoperatørar innan VA. Kommunen er tilknytt Driftsassistansen i Telemark. Stillinga rapporterer til kommunalsjef.

Ansvar og oppgåver

• Leie drift, vedlikehald og utvikling innan VAR og veg

• Ivareta beredskap og handtering av kritiske hendingar innan fagområda

• Personalansvar for medarbeidarar i avdelinga

• Prosjektleiing innan VAR og veg som sikrar framdrift, kvalitet og rett ressursbruk i prosjekta

• Budsjett- og økonomioppfølging på fagområda

• Saksførebuing og rapportering til politisk nivå

• Offentlege anskaffingar i tråd med regelverket

• Sikre god dialog med innbyggjarar, næringsliv og samarbeidspartnarar

• Oppfølging av avtalar, kontraktar og leverandørar

• Ansvar for overordna planarbeid på fagområda

Kvalifikasjonar

• Høgare utdanning innan eit av fagområda er ynskjeleg, men fagutdanning kombinert med relevant erfaring innan dei tiltenkte arbeidsoppgåvene kan kompensere for manglande høgare utdanning.

• Erfaring med prosjektleiing er ynskjeleg

• Erfaring frå offentleg forvaltning er ein fordel

• Kjennskap til regelverk for offentlege anskaffingar

• Teknisk innsikt

• God norsk skriftleg og munnleg framstillingsevne. Seljord kommune nyttar nynorsk som skriftspråk

• Du må ha førarkort klasse B

Personlege eigenskapar

• Tydeleg og strukturert leiar med evne til å arbeide både strategisk og operativt

• Gode samarbeidsevner og evne til å bygge relasjonar

• Løysingsorientert og med god gjennomføringsevne

• Evne til å prioritere og ta ansvar i ein variert arbeidskvardag

• Personlege eigenskapar vil bli lagt vekt på

Vi tilbyr

• Ei sentral leiarstilling med stor påverknad på utviklinga av Seljord kommune

• Ansvar for samfunnskritiske tenester

• Varierte og meiningsfulle arbeidsoppgåver

• Eit godt arbeidsmiljø med engasjerte medarbeidarar

• Gode moglegheiter for fagleg utvikling

• Løn og vilkår etter avtale

Kontakt og søknad

Seljord kommune tek berre imot elektroniske søknader. Søkjaren må registrere relevant erfaring og utdanning i søknadsskjemaet.

Seljord kommune ynskjer ikkje kontakt med annonseseljarar.