Førsteamanuensis i medie- og interaksjonsdesign

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Førsteamanuensis

Institutt for informasjons- og medievitskap (Infomedia) ønskjer å tilsette ein førsteamanuensis i medie- og interaksjonsdesign.

Stillinga er plassert hos Infomedia og er knytt til bachelor- og masterprogramma i Media- og interaksjonsdesign (MIX). Stillinga skal styrke instituttets forsking, undervisning og eksternt samarbeid i skjeringspunktet mellom interaksjonsdesign, medieteknologi, kunstig intelligens, menneskesentrerte intelligente system og innovasjon med verksemder innan media og kreative teknologiar.

Skildring

Institutt for informasjons- og medievitskap er ei forskingsorientert, tverrfagleg universitetsavdeling lokalisert ved Det samfunnsvitskaplege fakultetet.

Forskinga ved instituttet er organisert i ti forskingsgrupper, der fire er knytt til informasjonsvitskap, fem til medievitskap, og ei er tverrfagleg. Den tilsette er forventa å arbeide innan gruppa for menneske-maskin-interaksjon (HCI), og samarbeide med Gruppa for intelligente informasjonssystem (I2S), Forskingsgruppa for framveksande medium og Bergen mediebruksgruppe. Instituttet er vert for fleire relevante forskningsprosjekt, for eksempel innan HCI (RAID – Ansvarlig AI i interaksjonsdesignpraksis), medieteknologi (MediaFutures), gaming (Understanding masculinity in gaming), og mediebruk (PREPARE), alle i samarbeid med sterke internasjonale partnarar. Instituttet er òg partner i Centre for digital narrative ved UiB.

Instituttet har omlag 36 faste akademiske tilsette og omlag 30 doktorgrads- og postdoktorstillingar. Instituttet tilbyr utdanningsprogram innan informasjonsvitskap, kunstig intelligens, kognitiv vitskap og medievitskap, samt program i film- og TV-produksjon, journalistikk og interaksjonsdesign lokalisert i medieklynga Media City Bergen.

Meir informasjon om pågåande forsking og undervisning ved instituttet finn du på www.uib.no/infomedia 

Den tilsette kandidaten vil bli del av eit tverrfagleg akademisk miljø i skjeringspunktet mellom interaksjonsdesign, intelligente interaktive system, informasjonsvitskap og medieteknologi. Stillinga er ment for ein kandidat med ein etablert og framtidsretta forskingsagenda, betydeleg pedagogisk kompetanse og dokumentert evne til å initiere, bidra til og leie forskings- og utviklingsprosjekt. Den nye kollegaen er venta å bidra til undervisninga i bachelor- og masterprogramma i medie- og interaksjonsdesign, samt å utvikle undervisningsporteføljen for desse programma. Programma kombinerer forskingsbasert undervisning med praktisk, prosjektbasert arbeid, inkludert prototyping av interaktive system, brukarstudium, designidé-utvikling og -kritikk, samt engasjement rundt aktuell utvikling innan digital medieproduksjon, KI-støtta verktøy og interaktive mediesystem.

Arbeidsoppgåver/forskingsområde:

Som førsteamanuensis i medie- og interaksjonsdesign vil du:

• Utføre forsking på internasjonalt anerkjent nivå med relevans for eitt eller fleire av følgande forskingsområde: intelligente brukargrensesnitt og interaktive system, interaksjonsdesign, menneske-maskin-interaksjon, menneskesentrert AI, UX-forsking, immersive eller interaktive media, og andre relaterte område.
• Undervise og rettleie i emne i bachelor- og masterprogramma i medie- og interaksjonsdesign. Generelt inkluderer dette design-praksis for bruk og produksjon av digitale medium, som interaksjonsdesign, menneske-maskin-interaksjon, medieteknologi, intelligente mediesystem, frontend-utvikling, prototyping, UX og metodar for forsking og design.
• Utvikle og leie uavhengige forskingsprosjekt og aktivt søke ekstern finansiering frå nasjonale og internasjonale kjelder.
• Styrke samarbeid med industrien, spesielt den kreative teknologisektoren, inkludert miljø knytt til Media City Bergen, gjennom tverrfagleg forsking og innovasjonsinitiativ med relevante eksterne partnarar.
• Delta i akademisk administrasjon og kontinuerleg utvikling av studieprogram, undervisningsaktiviteter og forskingsmiljø ved instituttet.
• Bidra aktivt til instituttets akademiske og sosiale miljø gjennom kollegial utveksling, studentengasjement og regelmessig nærvær på arbeidsplassen.

Kvalifikasjonar og eigenskapar:

Søkarar må:

• Ha ein norsk doktorgrad eller tilsvarande i interaksjonsdesign, design av intelligente brukargrensesnitt og interaktive system, menneske-maskin-interaksjon, informasjonsvitskap, medieteknologi og design, informatikk eller eit anna nærskyld felt.
• Dokumentere akademiske kvalifikasjonar innan sitt felt, tilsvarande ei førsteamanuensisstilling.
• Dokumentere akademisk kompetanse relevant for medie- og interaksjonsdesign, med særleg relevans for interaksjonsdesign og design av intelligente brukargrensesnitt.
• Kunne undervise og rettleie på bachelor-, master- og doktorgradsnivå.
• Dokumentere undervisnings- og rettleiingserfaring, eller kunne dokumentere tilsvarande pedagogisk kompetanse relevant for stillinga.
• Demonstrere meistring av engelsk som arbeidsspråk.
• Demonstrere meistring av eit skandinavisk språk, eller vilje og evne til å tileigne seg tilstrekkeleg norskkunnskap innan ein bestemt periode etter tilsetjing.

Ønskt erfaring og kompetanse

Det vil vere ein fordel om søkaren har:

• Erfaring med menneskesentrerte, deltakande eller praksisbaserte tilnærmingar til design og prototyping av interaktive mediesystem, KI-støtta verktøy, brukargrensesnitt, generativ KI-applikasjonar, datadrivne medieverktøy eller relaterte teknologiar.
• Erfaring med praktisk evaluering av slike system.
• Erfaring med både kvalitative  og kvantitative forskingsmetodar og designforsking.
• Erfaring med prosjekt- og praksisbasert undervisning, designidé-utvikling og design-kritikk, workshops, laboratorie-undervisning, studiobasert undervisning eller rettleiing av prototypeorientert studentarbeid.
• Erfaring med å innhente, leie eller bidra til eksternt finansierte forskings- og utviklingsprosjekt.
• Publikasjonar i relevante internasjonale konferansar og tidsskrift med høg kvalitet.
• Eit etablert internasjonalt forskingsnettverk og erfaring med tverrfagleg forskingssamarbeid.
• Erfaring med bransjesamarbeid, innovasjonsprosjekt eller forsking som involverer teknologiselskap, medieorganisasjonar, kulturinstitusjonar, aktørar i offentleg sektor eller andre relevante partnerar.
• Erfaring med formidling, utoverretta verksemd, offentleg engasjement eller samarbeid utanfor akademia.

Sidan administrasjonsspråket ved UiB er norsk og bachelorundervisninga vert tilbydd på norsk, er det et krav at den tilsette kan oppnå norsk eller et skandinavisk språk på B2-nivå innan tre år etter tilsetjing. UiB tilbyr norskkurs for tilsette frå utlandet.  

UItdanningsfagleg kompetanse

Til stilling som førsteamanuensis vert det kravd grunnleggjande kompetanse for undervising og rettleiing på universitets- og høgskulenivå  (sjå lenkje). Dette inneber fullført universitetspedagogisk utdanning, samt grunnleggjande ferdigheiter innan planlegging, gjennomføring, evaluering og utvikling av undervising og rettleiing.  Dersom den som blir tilsett ikkje kan dokumentere tilstrekkeleg utdanningsfagleg kompetanse ved tilsetting, må krava vere oppfylte innan to år.

Utdanningsfagleg kompetanse skal dokumenterast gjennom ei utdanningsfagleg mappe. Denne skal innehalde oversikt over praktisk erfaring og kompetanse, dokumentasjon av dette og eit kortfatta refleksjonsnotat. Notatet skal primært vere knytt til eigen undervisingsfilosofi og vurdering av eigen undervising i høve til kunnskap om studentar si læring i høgre utdanning.

Vi tilbyr:

• Spennande og utviklande arbeidsoppgåver i et sterkt fagmiljø
• Stilling som førsteamanuensis (kode 1011) i årsløn kr. 790 900 - 830 000  i det statlege lønsregulativet. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• Medlemskap i Statens pensjonskasse og gode velferdsordningar. 

Søknaden skal innehalde:

• Følgjebrev som synar motivasjon for å søkja på stillinga og gjer ei oppsummering av planlagt forskingsaktivitet framover 
• CV
• Inntil 5 vitskapelege arbeid med opplysningar om kvar dei er publisert. Forskinga frå dei siste fem åra vil bli tillagt særleg vekt. 
• Fullstendig publikasjonsliste
• Medforfattarerklæringar der kor det er naudsynt for å klargjere ditt bidrag
• Undervisningsportfolio. Ei samla framstilling som synar din erfaring innan undervising og rettleiing. Følg denne lenka for informasjon og dokumentasjon om av pedagogiske kvalifikasjonar. Legg gjerne ved pedagogiske publikasjonar, eigenutvikla undervisningsmateriell, evalueringsrapportar og eventuelle mottekne undervisningsprisar. 
• Godkjente kopiar av vitnemål og attester
• Kontaktinformasjon til to referansar 

Søknad og vedlegg med attesterte omsetjingar til engelsk eller eit skandinavisk språk må lastas opp i Jobbnorge. 

Søknadsfrist: 11.10.2026

Generell informasjon:

Utfyllande opplysningar om stillinga kan ein få ved å vende seg til instituttleiar Bjørnar Tessem, [email protected]

Praktiske spørsmål kring søknadsprosessen kan rettast til: [email protected]  

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.