ID 2478 Avdelingsleiar nattevakttenestene - Rehabilitering, helse og omsorg

Stord kommune nyttar i dag omfattande ressursar til nattevakttenestar. Tenestene er sårbare ved fråvær, og tilgang på fagpersonell kan vera kritisk -- særleg i ferieperiodar. Stord kommune arbeidar no med å samordna nattevakttenestene, i første omgang i tenester til heimebuande, Stord sjukeheim og Knutsaåsen omsorgssenter.

Målet å utvikle ei meir robust og effektiv nattevaktteneste i Stord kommune. Gjennom å samla ressursane på natt, vil me å styrka det faglege miljøet, sikra betre ressursutnytting og redusera sårbarheit ved fråvær og ferieavvikling. Drifta vår skal tilstreba l optimal bruk av fagressursar, fremja samarbeid på tvers av eininga og skapa eit betre arbeidsmiljø med stordriftsfordelar. Gjennom dette vil me redusera overtid, auka nærvær, nytta kompetanse målretta der den trengs mest og legga til rette for heiltidskultur og høgare stillingsprosentar.

Det er ledig fast 100% stilling som avdelingsleiar for nattevakttenestene

Stillinga er hovudsakleg dagtid, men noko kveld- og nattarbeid må påreknast.

Som avdelingsleiar vil du få ansvar for å leia arbeidet med å samla nattevakttenestene til ei felles organisering med felles leiar. Målet er å utvikle eit robust og fleksibelt arbeidsmiljø, og sikra høg kvalitet i tenestene på natt. Du vil samarbeida tett med andre leiarar og du vil ha støtte av ressurskoordinator som bidreg med turnus og innleige av personalet ved fråvær.

Arbeidsoppgåver

• Personalansvar

• Planleggje og gjennomføre prosjektet i tråd med mål og tidsrammer

• Koordinere og samarbeide med leiarar og tilsette

• Utvikle og implementere nye rutinar og prosedyrar

• Sikre god kommunikasjon og informasjon

• Rapportere framdrift og resultat til styringsgruppe

• Fungera som nærmaste leiar for nattevaktene i prosjektperioden

Kvalifikasjonar

• Norsk autorisasjon som sjukepleiar

• Det er ynskjeleg med leiarerfaring og kompetanse i prosjektleiing og endringsprosessar

• Relevant erfaring frå helse- og omsorgstenester

• Førarkort klasse B

• Godkjend politiattest

• Gode norskkunnskapar, både skriftleg og munnleg

• Digital kompetanse som støttar kommunal utvikling

• Forståing for rammevilkår i offentleg sektor

Politiattest:

Det er krav om å leggje fram politiattest for alle som yter tenester innanfor rehabilitering, helse og omsorg ref. Helse- og omsorgstjenesteloven § 5-4

Tilsetjinga føreset at arbeidstakaren legg fram gyldig politiattest innan tiltreding dersom dette er kravd for stillinga etter lov eller forskrift. Dersom politiattest ikkje blir lagd fram innan fristen, eller attesten viser forhold som etter gjeldande regelverk er til hinder for tilsetjing i stillinga, kan arbeidsgivar avgjere at arbeidstakaren ikkje kan tiltre stillinga.

Personlege eigenskapar

• Tillitsskapande og med høg integritet

• Fleksibel og endringsorientert

• Handlekraftig og nytenkjande

• Gode evner til kommunikasjon og samhandling

• Identifiserer seg med kommunens verdiar: Saman om utvikling og velferd

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

For nærare opplysningar ta kontakt med:

Einingsleiar for institusjon Britt Nelly Hystad Barane, tlf: 92 48 63 58.

Einingsleiar Tenester til heimebuande Kristin Steinsland, tlf: 416 94 266