Vi søker to teknisk innkjøparar

Har du erfaring med teknisk innkjøp og ynskjer nye utfordringar? Innkjøpsavdelinga styrkar satsinga på teknisk innkjøp med tre nye kollegaer til teamet, mellom anna to nyoppretta stillingar som teknisk innkjøpar.

Som teknisk innkjøpar får du ei viktig rolle i anskaffingar knytt til drift, vedlikehald og tekniske prosjekt. Saman med fagansvarleg teknisk innkjøp og engasjerte kollegaer på teamet vil du samarbeide tett med tekniske fagmiljø, leverandørar og operativ verksemd. I denne stillinga får du påverke både strategiske og operative innkjøpsprosessar.

Du blir del av eit kompetent fagmiljø med brei erfaring innan strategiske anskaffingar, kontraktsforvaltning og leverandørutvikling. I tillegg til tre nye stillingar, består teamet av fire erfarne innkjøpsrådgjevarar og innkjøpsleiar. Teamet samarbeider tett for å finne dei beste løysingane og skape verdi for Fjord1. Vi arbeider aktivt med kategoriutvikling, leverandøroppfølging, kontraktsforvaltning, forhandlingar og strategiske anskaffingar for å sikre kostnadseffektive, berekraftige og framtidsretta løysingar.

Fjord1 er ein verdsleiande pioner innan det grøne skiftet. Over halvparten av fartøya våre er elektriske, og vi utviklar verdas første sjølvgåande ferjer. Vi tør å påstå at vi er moderne, innovative og framtidsretta, og langt frå kjedelege! Med visjon om å vere best på miljøvennleg og påliteleg transport held vi fram med å leie an i den maritime næringa.

Arbeidsoppgåver

• Ansvar for planlegging, koordinering og oppfølging av tekniske innkjøp.
  
• Følgje opp bestillingar/Purchase Orders (PO), fakturagrunnlag.
  
• Bidra til god kostnadskontroll, framdrift og kvalitet, samt følge opp endringsordrar og avvik.
  
• Planleggje og gjennomføre anbodskonkurransar, tilbodsinnhenting og kommersielle forhandlingar.
  
• Utarbeide og forvalte kontraktar og rammeavtalar innan tekniske kategoriar.
  
• Sikre konkurransedyktige avtalevilkår knytt til pris, kvalitet, levering, garantiar og risiko.
  
• Bidra til standardisering, kategoriutvikling og optimalisering av leverandørporteføljen.
  
• Følgje opp eksisterande avtaler, herunder måle og evaluere på kvalitet, leveringspresisjon, HMSK og kostnadseffektivitet.
  
• Gjennomføre leverandørmøte og systematiske business reviews.
  
• Identifisere moglegheiter for kostnadsreduksjonar, prosessforbetringar og verdiskaping.
  
• Bidra til vidareutvikling av innkjøpsprosessar, metodikk og beste praksis.
  

Kven ser vi etter?

Vi søker deg som er fagleg sterk, har høg gjennomføringsevne og motiverast av å skape resultat gjennom profesjonelt innkjøpsarbeid. Du er sikker i eiga rolle, tek eigarskap til oppgåver og trivst med ansvar. Samstundes er du ein lagspelar som evnar å bygge tillit og gode relasjonar på tvers av organisasjonen og mot leverandørmarknaden. Du trivast med å vere ein strategisk samarbeidspart for kollegaer, samt rådgje og sparre med teknisk og operative fagmiljø.

Du er strukturert og analytisk, men også pragmatisk når situasjonen krev det. Med eit sterkt ønske om kontinuerleg forbetring let du deg motivere av komplekse problemstillingar, forhandlingar og strategiske vurderingar. Du er ein person som set høge krav til kvalitet, både hos deg sjølv og i leveransane du er involvert i.
Til denne rolla trenger vi deg som kan utfordre etablerte arbeidsmåtar, bidra med fagleg leiarskap og vere ein naturleg rådgjevar for både kollegaer og leiing.

For å lukkast trur vi at du har:

• erfaring frå strategisk innkjøp, kontraktsforvaltning og kommersielle forhandlingar
  
• relevant høgare utdanning innan tekniske fag
  
• god teknisk og kommersiell forståing, gjerne frå maritim, industriell eller teknisk verksemd
  
• sterk forretningsforståing og evne til å omsetje behov til gode og kostnadseffektive løysingar
  
• gode analytiske evner og erfaring med å gjennomføre vurderingar og anbefalingar basert på fakta og data
  
• evne til å arbeide sjølvstendig, strukturert og målretta, også i periodar med høgt aktivitetsnivå
  
• sterke relasjons- og samarbeidsevner, kombinert med tryggleik i dialogar og forhandlingar
  
• god digital kompetanse og erfaring med ERP-, innkjøps- eller kontraktssystem
  
• erfaring frå større anskaffingar, strategisk leverandørutvikling eller komplekse kontraktsforhandlingar vere ein fordel
  

Gode grunnar til å velge oss!

Som teknisk innkjøpar får du moglegheita til å forme framtida for eit av dei mest spennande og innovative selskapa innan grønn maritim transport. Hos oss får du fagleg utvikling og vekst, og blir ein del av eit arbeidsmiljø med høgt fokus på trivsel og samarbeid. Vi legg stor vekt på fleksibilitet, og du er med på å påverke både arbeidsmetodar og løysingar. 

Teamet i Florø er klar til å ta imot deg. Saman med resten av gjengen i Fjord1 leverer vi tenester for samfunnskritisk infrastruktur med stoltheit. Når vi krydrar dette med gode velferdstilbod, forsikringar og blandt dei beste pensjonsordningane i marknaden, så håpar vi du blir nysgjerrig på oss! 

Kontaktinformasjon

Adrianna Haugerud, Innkjøpsleiar, 96752303, [email protected]
Geir Hillersøy, Leiar teknisk driftseining, 90010855, [email protected]
Nina Eren Hovland Liseth, HR rådgjevar, +47 95152023, [email protected]

Arbeidsstad

Strandavegen 15
6905 Florø

Nøkkelinformasjon:

Arbeidsgivar: Fjord1 AS

Referansenr.: 5169263366
Stillingsprosent: 100%
Fast
Søknadsfrist: 14.09.2026